2026 թվականի հունվարի 22-ին «Արամ Խաչատրյան համերգասրահ»-ում տեղի ունեցավ բացառիկ երաժշտական երեկո՝ նվիրված մեծանուն կոմպոզիտոր, դաշնակահար, ՀԽՍՀ ժողովրդական արտիստ Առնո Բաբաջանյան-ի ծննդյան 105-ամյակին։

Համերգային ծրագրում հնչեցին Առնո Բաբաջանյանի ամենահայտնի և սիրված ստեղծագործությունները՝ ներկայացված նոր մշակումներով ու ժամանակակից հնչողությամբ, սակայն պահպանելով հեղինակի երաժշտական ինքնատիպ ոգին և խոր զգայականությունը։

Այս երաժշտական իրադարձությունը մեկ հարկի տակ համախմբեց հայ երաժշտասեր հանրությանը՝ հնարավորություն տալով վերապրել Բաբաջանյանի ստեղծագործական ժառանգության ուժն ու խորությունը։ «Երևանի գարեջուր» ՓԲԸ-ն մեծ պատիվ ունի լինել այս նշանակալի մշակութային նախաձեռնության հովանավորը՝ իր աջակցությունն ընծայելով ազգային արժեքների պահպանմանն ու տարածմանը։