Ինչպե՞ս է արտադրվում գարեջուրը

1.Հատիկամթերքի մաքրում
Հատիկամթերքը ուղարկում են մաքրման կողմնակի իրերից (քար, երկաթային մասեր, փոշի և այլն):

2.Հատիկամթերքի կշռում և ջարդում
Մաքրված հատիկամթերքը (ածիկը) կշռում և ուղարկում են ջարդման:

3.Շաղախի պատրաստում
Նպատակն է ապահովել էքստրակտիվ նյութերի մաքսիմալ անցումը ջրային լուծույթ:

4.Շաղախի ֆիլտրում
Նպատակն է առանձնացնել պինդ և հեղուկ ֆազան և ստանալ քաղցու:

5.Քաղցուի եփում
Քաղցուն եփում են հմուլի (գայլուկի) հետ եփման կաթսայում:

6.Քաղցուի հովացում և պարզեցում հիդրոցիկլոնային ապարատում
Նպատակն է պարզեցնել և իջեցնել ջերմաստիճանը մինչև խմորման ջերմաստիճան՝ այն հագեցնելով թթվածնով։

7.Գլխավոր խմորում
Քաղցուի (երիտասարդ գարեջրի) քիմիական բաղադրությունը փոխվում է, այն վերածվում է համեղ անուշաբույր խմիչքի։

8.Երիտասարդ գարեջրի հասունացում (լրացուցիչ խմորում) հասունացման նկուղում
Մնացած շաքարները դանդաղորեն խմորվում են, գարեջուրը պարզվում է, հագենում է ածխածնի երկօքսիդով:

9.Հասունացած գարեջրի պարզեցում (ֆիլտրացիա)
Զտման ընթացքում գարեջուրը ձեռք է բերում փայլ, թափանցիկություն, ձևավորվում է վերջնական համը, հոտը և փրփրակայունությունը։

10.Ֆիլտրված գարեջրի շշալցում
Ֆիլտրացիայից հետո, որոշ ժամանակ անց (6-8 ժամ) հանգստանալուց հետո գարեջուրը ուղարկվում է շշալցման։։