Բարձր որակի, ժամանակակից կառավարման և ճկուն շուկայավարման քաղաքականության շնորհիվ «Երևանի գարեջուր» ՓԲԸ-ի արտադրանքն իր նշանակալից տեղն է գրավել ոչ միայն տեղական սպառման շուկայում,այլև նրա սահմաններից դուրս։ Այսօր «Երևանի գարեջուր» գործարանի արտադրանքը ներկայացված է ավելի քան 18 երկրներում: Տեսականու և գների մասին, ինչպես նաև մեծածախ պատվերների համար կարող եք կապ հաստատել ձեր երկրում գտնվող պաշտոնական ներկայացուցչի հետ:
Պատմություն
Մեր մասին
70 տարվա պատմություն ունեցող «Երևանի գարեջուր» ՓԲ ընկերությունը տարիներ շարունակ իր կայուն տեղն է զբաղեցնում Հայաստանի առաջատար ձեռնարկությունների շարքում, իսկ «Կիլիկիա» ապրանքանիշը դարձել է բարձր որակի յուրատեսակ հոմանիշ:
Այսօր ձեռնարկությունում արտադրվում են գարեջրի 12 տեսականի, բնական հյութեր ու նեկտարներ, զովացուցիչ ըմպելիքներ, շշալցվում են նաև «Լուզինյան» և «Աքվավիտա» հանքային ջրերը: Ընկերության արտադրանքը արտահանվում է ավելի քան 18 երկրներ:
հիմնադիրներ
Աշոտ Գ․ Բաղդասարյան
Համահիմնադիր
Ահա թե որքան հին է հայկական գարեջրի պատմությունը:
1997թ.-ին գործարանը սկսեց իր գործունեությունը`թողարկելով «Կիլիկիա» գարեջուրը, որը հետագայում դարձավ ամենապահանջված և ամենասիրված ապրանքանիշերից մեկը: Այս տարիների ընթացքում մենք նպատակ ենք ունեցել բարելավել արտադրանքի որակը, հարթեցնել գործընթացները և մարդկանց տրամադրել ըմպելիքի լավագույն տարբերակը:Մեր առաքելությունն է եղել ստեղծել արտադրանք, որը լավագույնն է մնացածների մեջ։
Մեր առջև դրված այդ խնդիրը մշտապես ստիպել է այն լուծելու ճանապարհներ գտնել և հասնել ցանկալի արդյունքի, ինչը, իմ կարծիքով, ստացվել է երկար տարիների աշխատանքի, գործադրած ջանքերի, դրսևորած համառության ու կայուն սկզբունքների արդյունքում: Մենք եղել ենք համարձակ և փորձել ենք ստեղծել մնայուն արժեք։ Մենք ցանկանում ենք, որ մեր հաջորդ սերունդները մեզանից ավելի ազատ ու համարձակ լինեն։ Քանի որ միայն ազատ մարդը կարող է արարել:
Հակոբ Գ. Հակոբյան
Համահիմնադիր
Երևանի գարեջրի գործարանը հիմնադրվել է 1952 թ-ին։ Ընկերությունը սկսել է 500,000 դալ տարեկան արտադրականությամբ:
Այդ ժամանակից ի վեր գործարանը թարմացրել է իր սարքավորումները՝ աստիճանաբար ավելացնելով արտադրական հզորությունը։ Արհեստավարժ մասնագետները, որակյալ նյութերը և ժամանակակից տեխնոլոգիաները բարձրորակ գարեջրի արտադրության միակ բաղադրիչները չեն։ Գարեջրի արտադրությունը մի քանի գաղտնիքներ ունի, որոնք արտադրանքը դարձնում են յուրահատուկ։ Գարեջրագործությունն արտադրողի կողմից մեծ նվիրում է պահանջում։ Ասում են, որ ցանկալի արդյունքի հասնելու համար պետք է գործի մեջ հոգի ու սիրտ ներդնել: Թերևս սա է պատճառը, որ գարեջուր պատրաստելը պարզապես գործընթաց չէ, այն ապրելակերպ է:
Հայ գարեջրագործները պահպանել են իրենց նախնիների գարեջուր պատրաստելու գաղտնիքը։ Հայկական թագավորությունում գարեջրագործությունը սկսվել է մոտ մ.թ.ա. VII դարում։ Այն ժամանակ, ի դեպ, գարեջուրն ավելի թունդ էր, քան ժամանակակից ամենաթունդ գարեջրերը: Հայկական գարեջրի մասին ամենավաղ հիշատակումը նկատվում է հույն գրող և պատմաբան Քսենոֆոնի «Անաբասիս» (մ.թ.ա. 5-րդ դար) գրքում։ Իր գրքում Քսենոֆոնը մանրամասն նկարագրում է գարու հիմքով այս ըմպելիքը. «Գարու և ցորենի հատիկներով լի կարասներ կային, որոնց հյութեղ պարունակությունը նույնիսկ ամենածարավ մարդուն էր հագեցնում: Երբ հույները հարցրին երկրի անունը, նրանք ստացան «Հայաստան» պատասխանը»:
Երևանի գարեջրի գործարանը հիմնադրվել է 1952թ.: 1997թ. դարձել է բաժնետիրական ընկերություն և ստեղծել «Կիլիկիա» ապրանքանիշը, որից հետո թռիչքային փոփոխություններով զարգացում է ապրել՝ աճել իր արտադրանքի ծավալներով։ Ընկերությունը մասնավորեցնելուց հետո ներգրավվել են զգալի վարկային ռեսուրսներ, ներդրվել նոր տեխնոլոգիաներ և այդ շարունակական զարգացման արդյունքում՝ այսօր «Երևանի գարեջուր» ՓԲԸ-ն արտադրում է բարձրորակ գարեջուր, հանքային ջրեր, զովացուցիչ ըմպելիքներ, բնական հյութեր և նեկտարներ, կոմպոտներ, մուրաբաներ և ջեմեր, խաղողի տերև, որոնք լիովին համապատասխանում են միջազգային չափորոշիչներին:
1952 - 1997
1998
Երևանի գարեջրի գործարանի սեփականաշնորհումից հետո առաջին ամենամեծ ձեռքբերումը հոկտեմբերի 15-ին «Կիլիկիա» գարեջրի առաջին արտահանումն էր: Գարեջրի առաջին շիշն ուղարկվեց ԱՄՆ:
Դա սկիզբն էր, որից հետո «Երևանի գարեջուր» ՓԲԸ-ն իր առջև դրվող խնդիրներն անընդհատ բարդացնելով՝ դարձավ բրենդ։
2001
Ընկերությունում ներդրվել և հավաստագրվել են որակի կառավարման ISO 9000 շարքի միջազգային ստանդարտները, ինչը կարևոր նշանակություն է ունեցել ընկերության կառավարման համակարգի կատարելագործման, արտադրանքի որակի բարելավման, ներքին և արտաքին շուկաներում նրա վարկանիշի և մրցունակության բարձրացման գործում:
2002
Արտադրատեսակներին ավելացան «Արևա» բնական հյութերը, որոնք հավաստագրվեցին որպես մանկական սնունդ նախադպրոցական և դպրոցական տարիքի երեխաների համար:
2004
«Կիլիկիա»-ն գարեջրի ներքին սպառման շուկայի անփոփոխ առաջատարն է, իսկ իրացման ծավալների աճի ցուցանիշերը վկայում են, որ տարեցտարի աճում է «Կիլիկիա»-ի երկրպագուների թիվը:
2008 - 2010
«Երևանի գարեջուր» ՓԲԸ-ն սկսել է օրգանական արտադրանքի արտադրությունը ԵՄ ստանդարտներին և 2010 թ-ից ԱՄՆ ստանդարտներին համապատասխան:
Ընկերության օրգանական արտադրանքն արտահանվում է Ռուսաստան, Չինաստան, ԱՄՆ, Ֆրանսիա, Մալայզիա, Սինգապուր և այլուր:
2008 - 2010
2012
«Երևանի գարեջուր» ՓԲԸ-ի արտադրատեսակների արժանի տեղն ու բարձր որակը շուկայում մեկ անգամ ևս ընդգծվեց ու ապացուցվեց «Համազգային վստահություն» մրցանակաբաշխության ժամանակ, որտեղ «Կիլիկիա» գարեջուրն արժանացավ «Տարվա լավագույն գարեջուր», «Երևան» գարեջուրը՝ «Տարվա հայտնություն» և «Արևա» հյութերը՝ «Լավագույն էկոլոգիապես մաքուր մանկական հյութ» մրցանակներին:
2021
«Երևանի գարեջուր»-ը շուկային ներկայացավ նոր՝ «Աքվավիտա» հանքային ջրով, որն առանձնանում է իր նուրբ համով, հարուստ է օգտակար հանքային աղերով և այլ հանքային ջրերի համեմատ ունի ցածր հանքայնացում:
2022
70 տարիների վաստակաշատ ուղի, փորձություններին դիմակայելու և առաջ նայելու ամուր կամք ու արժանի տեղ հայաստանյան սննդարդյունաբերության ոլորտում։ Հայաստանում ամենահեղինակավոր բիզնես կառույցներից մեկը՝ «Երևանի գարեջուր» ՓԲԸ-ն նշում է իր 70-ամյակը։
Վերջին 10-15 տարիների ընթացքում ունենալով զգալի հաջողություններ շուկայում՝ «Երևանի գարեջուր» ՓԲԸ-ն էապես վերակառուցվել և արդիականացվել է` հանրությանը ներկայանալով բոլորովին նոր նկարագրով: Այժմյան գործարանը նորագույն սարքավորումներով հագեցած ժամանակակից արտադրություն է,որը արտադրության բոլոր փուլերում որակի վերահսկողությունը իրականացնում է ISO 22000:2018 ստանդարտի և ՎՎՀԿԿ-ի (Վտանգների Վերլուծություն և Հսկման Կրիտիկական Կետեր) համապատասխան:
Արտահանում
ԱՄՆ
Ռուսաստան
Չինաստան
Ուկրաինա
Նիդերլանդներ
Չեխիա
Հունաստան
Սինգապուր
Վրաստան
Ֆրանսիա
Կանադա
Արգենտինա
Բելգիա
Գերմանիա
Իսպանիա
