Երևանի քաղաքապետարանի կողմից մայրաքաղաքի հիմնադրման 2800-ամյակին նվիրված միջոցառումների շարքում Կարապի լճի հարակից տարածքում անցկացվեց Գարեջրի 5-րդ հոբելյանական փառատոնը: «Երևանյան ամառ 2018» եռամսյա միջոցառումների ծրագրով կյանքի կոչվող նախագիծը, վիճակագրության համաձայն, Երևան այցելողների, ինչպես նաև մայրաքաղաքի բնակիչների ամենասպասված փառատոնն է, որն այս տարի գրանցեց ավելի քան 10000 այցելու: Նշենք, որ այս տարի փառատոնին մասնակցել են հայկական գարեջրի արտադրությամբ զբաղվող առաջատար 10 ընկերություն: «Երևանի գարեջրի» գործարանն այս տարի փառատոնին մասնակցել է «Կիլիկիա» մուգ, «Կիլիկիա» բաց և «Երևան» արտադրատեսակներով:

Հոկտեմբերի 13-15 Երևանի մաթեմատիկական մեքենաների գիտահետազոտական ինստիտուտի «Երևան Էքսպո» ցուցահանդեսային համալիրում անցկացվեց «ԱրմՊրոդԷքսպո» 2017 գյուղատնտեսական ամենամյա մասնագիտացված ցուցահանդեսը, որին մասնակցում էին գյուղատնտեսական մթերք վերամշակող, ագրարային ոլորտը սպասարկող և ծառայություններ մատուցող 110 կազմակերպություն Հայաստանից և Արցախից:

Սեպտեմբերի 18-20-ը Երևանում անցկացվեց «Փոխադարձ վստահություն, միասնականություն և պատասխանատվություն» Հայաստան-Սփյուռք վեցերորդ համահայկական համաժողովը, որը նախատեսված էր անցկացնել Մայիսյան հաղթական հերոսամարտերի և Հայաստանի Առաջին Հանրապետության հռչակման 100-ամյակի, ինչպես նաև Էրեբունի-Երևանի 2800-ամյակի նախաշեմին: Համաժողովին մասնակցում էին 71 երկրից ժամանած ավելի քան 1500 պատվիրակներ՝ ճանաչված մտավորականներ, լրագրողներ, գործարարներ եւ այլք։ Մասնակից երկրների աշխարհագրությունն այս անգամ ավելի է ընդլայնվել՝ ներկայացուցիչներ կային նաեւ Սինգապուրից, Թայլանդից, Մալազիայից: Մասնակիցների թվում էր նաեւ Թուրքիայի խորհրդարանի պատգամավոր Կարո Փայլանը:

Սննդարդյունաբերության ոլորտի 16 ընկերություններ Հայաստանի զարգացման հիմնադրամի աջակցությամբ՝ սույն թվականի սեպտեմբերի 11-14-ը Մոսկվայում միասնական տաղավարով մեր երկիրը ներկայացնում են «WorldFood Moscow 2017» ցուցահանդեսին։ Հայաստանյան ընկերությունները միջազգային գնորդներին են առաջարկում մրգային, բանջարեղենային, ձկան, մսի պահածոներ, հյութեր, կոմպոտներ, շոկոլադ, մեղր, չիր, հանքային և աղբյուրի ջուր, գարեջուր, ձկնամթերք, մսամթերք, թեյի տեսականի։ Ցուցահանդեսին իր մասնակցությունն ունեցավ նաև «Երևանի գարեջուր» ՓԲԸ:

Սույն թվականի օգոստոսի 19-ին Կարապի լճի հարակից տարածքում անցկացվեց արդեն ավանդական դարձած Երևանի գարեջրի 4-րդ փառատոնը: Փառատոնին ներկայացված էին հայկական գարեջրային շուկայի առաջատար ընկերությունները, քաղաքի գարեջրատները, սրճարաններն ու փաբերը: Միջոցառմանն իր ակտիվ մասնակցությունն ունեցավ նաև «Երևանի գարեջուր» ՓԲԸ-ն «Կիլիկիա» ապրանքանիշով:

Սույն թվականի փետրվարի 6-10-ը Մոսկվայում անցկացվեց «Պրոդ Էքսպո-2017» միջազգային 24-րդ ցուցահանդեսը: Հայաստանի սննդարդյունաբերության ոլորտի 23 ընկերություններ մեկ միասնական տաղավարով նույնպես մասնակցում էին ցուցահանդեսին: Ցուցահանդեսին իր մասնակցությունն ունեցավ նաև «Երևանի գարեջուր» ՓԲԸ:

Հոկտեմբերի 5-ին Թեհրանի միջազգային ցուցահանդեսների սրահում մեկնարկեց հայկական ապրանքների և ծառայությունների մասնագիտացված ցուցահանդեսը («Հայաստան Էքսպո»), որը կազմակերպվել է Թեհրանում ՀՀ դեսպանության, Հայաստանի զարգացման հիմնադրամի և Իրանի միջազգային ցուցահանդեսների ընկերության կողմից: 
Ցուցահանդեսի բացման արարողությանն ելույթ ունեցան ԻԻՀ-ում ՀՀ դեսպան Արտաշես Թումանյանը, ՀՀ տնտեսական զարգացման և ներդրումների նախարարի տեղակալ Հովհաննես Հովհաննիսյանը և ԻԻՀ արդյունաբերության, հանքերի և առևտրի նախարարի տեղակալ Հոսեյն Էսֆահբոդին:
Ցուցահանդեսին ներկայացված էին ՀՀ տնտեսության այնպիսի ոլորտներ, ինչպիսիք են բանկային ոլորտ, տեղեկատվական տեխնոլոգիաներ, արդյունաբերություն, գյուղատնտեսական մթերքների վերամշակում և սննդի արտադրություն, զբոսաշրջություն, ապահովագրություն, ոսկերչություն և ադամանդագործություն, շինարարություն և շինանյութերի արտադրություն, տրանսպորտ ու լոգիսիտիկա և այլն: Ցուցահանդեսին իր մասնակցությունը ունեցավ նաև «Երևանի գարեջուր» ՓԲԸ:

2016 թվականի սեպտեմբերի 19-22-ը Երևանում անցկացվեց «Արտադրված է Հայաստանում Էքսպո 2016» (“Made in Armenia Expo” 2016) ցուցահանդեսը, որը կազմակերպվել էր ՀՀ էկոնոմիկայի նախարարության և Հայաստանի զարգացման հիմնադրամի աջակցությամբ։

Սույն թվականի սեպտեմբերի 12-15-ը Մոսկվայում  անցկացվեց սննդամթերքի և ըմպելիքների «WORLD FOOD MOSCOW» 2016 25-րդ ամենամյա միջազգային ցուցահանդեսը:

2016 թվականի օգոստոսի 20-ին Երևանում անցկացվեց արդեն ավանդական դարձած «Երևանի գարեջրի փառատոնը»: Միջոցառման նպատակն էր հանրությանը ներկայացնել հայկական գարեջրի լավագույն ավանդույթները, գարեջրի արտադրման շուկայում եղած նորամուծությունները, նոր ապրանքատեսակները, խթանել քաղաքային և միջոցառումային տուրիզմի զարգացմանը: Փառատոնին ներկայացված էին հայկական գարեջրային շուկայի առաջատար ընկերությունները, քաղաքի գարեջրատները, սրճարաններն ու փաբերը: Միջոցառմանն իր ակտիվ մասնակցությունն ունեցավ նաև «Երևանի գարեջուր» ՓԲԸ-ն «Կիլիկիա» ապրանքանիշով:

Սույն թվականի մայիսի 28-ին Սարդարապատի հերոսամարտի հուշահամալիրում անցկացվեց Հայաստանի Առաջին Հանրապետությանը նվիրված տոնակատարություն։ ՀՀ նախագահ Սերժ Սարգսյանը Հանրապետության տոնի առթիվ շնորհավորական ուղերձ հղեց ներկաներին.

«Այս տոնը մեզ համար առաջին հերթին փրկության տոն է: Մենք փրկեցինք մեր վերջին հողակտորը և այդ հողակտորի վրա մնացած մեր ժողովրդի վերջին բեկորները: Որքան էլ ծանր է խոստովանել, բայց դա էր իրականությունը:

Նոր Սարդարապատ չի լինելու, որովհետև մեծ հաշվով դա հուսահատական պատերազմ էր: Այնտեղ կռվողներն արդեն չգիտեին, թե ինչ երկրի քաղաքացի են, կամ քաղաքացի՞ են արդյոք: Նոր Սարդարապատ չի լինելու, որովհետև կա պետություն: Կա անկախության սերունդ, որ ուզում է քայլել ժամանակակից աշխարհին համընթաց և քայլելու է: Անկախության սերունդ, որ ուզում է քայլեցնել իր երկիրն առաջ և քայլեցնելու է: Անկախության սերունդ, որ բոլորից ճիշտ է հասկացել մայիսի 28-ի պատգամը:
Սիրելի՛ հայրենակիցներ,

Մայիսի 28-ը մեր ժողովրդի համար անդունդի եզրից հետ վերադառնելու օրն է: Դեպի կյանք, դեպի վերածնունդ, դեպի արարում և դեպի աշխատանք վերադառնալու օրն է: Մենք վերադարձել ենք:

Կեցցե՛ Հանրապետության տոնը:
Փա՛ռք մեր ժողովրդին»:

Սույն թվականի մայիսի 21-ին Մուսալեռի հուշահամալիրում անցկացվեց «Ուդուլի» տոլմայի 6-րդ ավանդական փառատոնը: Շուրջ 30 տաղավարներում ներկայացված էին տոլմայի ավելի քան 70 տեսակ, որոնցից առանձնահատուկը Հադրութի տոլման էր` պատրաստված լոբու տերևի մեջ: Փառատոնին մասնակցում էր նաև «Երևանի գարեջուր» ՓԲԸ-ն` ներկայացնելով իր արտադրության ողջ տեսականին:

Սույն թվականի նոյեմբերի 4-6 Լեհաստանի Հանրապետության Կրակով քաղաքում անցկացվեց «Էնո Էքսպո 2015» գինու 13-րդ միջազգային ցուցահանդեսը: Ցուցահանդեսը համարվում է Լեհաստանի Հանրապետության եւ Արեւելյան Եվրոպայի խոշորագույն միջոցառումներից մեկը: Ցուցահանդեսին իր մասնակցությունն ունեցավ նաև «Երևանի գարեջուր» ՓԲԸ-ն` ներկայացնելով իր արտադրության ողջ տեսականին:

2015 թվականի հոկտեմբերի 16-18 Երևանի մաթեմատիկական մեքենաների գիտահետազոտական ինստիտուտի «Երևան Էքսպո» ցուցահանդեսային համալիրում անցկացվեց «ԱրմՊրոդԷքսպո» 2015 միջազգային մասնագիտացված ցուցահանդեսը: Ցուցահանդեսին մասնակցում էին ավելի քան 80 ընկերություն Հայաստանից և Արցախից:
Վարչապետ Հովիկ Աբրահամյանը շրջեց Հայաստանի և Արցախի ագրոպարենային ոլորտը ներկայացնող ցուցահանդեսի տաղավարներով, զրուցել մասնակցող ընկերությունների ներկայացուցիչների հետ, ծանոթացել նրանց արտադրատեսականուն, գործունեությանը, առկա խնդիրներին, ընթացիկ և հեռանկարային ծրագրերին:
«Երևանի գարեջուր» ՓԲԸ-ն այս տարի նույնպես իր մասնակցությունն ունեցավ ցուցահանդեսին և պարգևատրվեց «ԱրմՊրոդԷքսպո» 2015 «Ոսկե մեդալով»:

Սեպտեմբերի 14-ին Մոսկվա քաղաքում բացվեց «World Food Moscow 2015» 24-րդ միջազգային ամենամյա ցուցահանդեսը, որին մասնակցում էին հայկական սննդարդյունաբերության ոլորտի 10 ընկերություններ: Հայկական տաղավարում ներկայացված էին մեր երկրի սննդի արտադրության գրեթե ամբողջ տեսականին. հյութեր, կոմպոտներ, մուրաբաներ, ջեմեր, գարեջուր, մարինացված բանջարեղեն, խաղողի կորիզի, նռան հատիկի, կտավատի յուղեր, կաթնամթերք և մսամթերք: Ցուցահանդեսին իր մասնակցությունն ունեցավ նաև «Երևանի գարեջուր» ՓԲԸ-ն` ներկայացնելով «Կիլիկիա» ապրանքանիշը: